Aiaiai! Eg skulle til å skrive at; jammen som sommeren gjekk og snart var alt over. Men neida! Sommeren er langt frå over.

Masse har skjedd, og eg trur eg vil starte med nokke i litt omvendt rekkefølgje. (Altså det som kanskje skjedde sist vil bli presentert først…)

For du som ikkje allereie har skjønna det. Biletet over viser Esperanza Spalding på Canal Street i Arendal. Ein kan vel ikkje akkurat seie at Arendal viste seg frå si beste side denne dagen, men men. Konsert vart det, og det var ikkje berre Obamayndlingen og Nobelsfredspriskonsertdama Esperanza som skulle halde oss glade i pøsregnet. Her snakkar vi også Thom Hell, som nesten var på heimebane, og mandagsbarnet (Hoho!) Veronica Maggio! Og ja.. forresten, Terje Rypdal, Miroslav Vitous og Gerald Cleaver som hadde ei felles oppvarming som varte ca. litt for lenge. For all del: Flinke folk. Men, når 3 andre artistar også skal på scena så er ikkje 15(++) minutt lange songa særleg velkomen. I alle fall ikkje når ein skal spele 6-7 av dei… Men… det skal vi sjå bort ifrå!

Trippelkonserten var fantastisk. Thom Hell var flink til å målbinde publikum, og det skada vel ikkje akkurat nokke for mitt konsertfølgje at pianisten kom frå Birkeland (Asbjørn Ribe). Flotte saker. Esperanza Spalding er ei lita, lita, ybermusikalsk dame. Kvinnelege bassistar kan vi gjerne få meir av. Afro er heller ikkje å forakte. Det å også framføre alt du skal seie på rim og gjerne med melodi skader liksom heller ikkje. Dog litt vanskeleg å skjønne kva som faktisk er sang og kva som er snakking…  Veronica Maggio satte ein finfin avsluttning for kvelden. Humor at ca halvparten av folka som var på konserten drog før ho kom på scena, men det var nok ikkje henna feil. Heller at det tok litt for lang tid å rigge opp mellom, og at ho ikkje akkurat var i same sjanger som dei andre…

Bilete sa du? Sjølvsagt!

Jada, eg veit – iPhonen min har ikkje verdast beste kamera. Men det er jo ikkje bileta etter konserten som er poenget?

Og ja, stakkas Thom som ikkje fikk fult med folk framfor scena frå starten av… Ja, vi burde nok gått fram og hoppa og dansa og alt det der… sorry. Eg skal kome sterkare tilbake.

Og det med tilbake og slikt… ei liten smakebit på kva som vil kome etterkvart her på verdsveven…

Og ja, ikkje nok med det. For dykk RSS-lesarar: Nytt design på bloggen… bort med The Unstandard og inn med nokke som gjer det enklare for folk å lese bloggen. For det er jo det folk kjem hit for å gjere vel?

Det første naturlege spørsmålet er jo: Kvar var vi plassert på området? Vel, det logiske svaret er jo:

(Takk til bt.no for eg fekk låne dette bilete. Les deira fyldige oppsummering av konserten her.)

Denne plasseringa her resulterte i at ein etterkvart fekk intimkonsert med heile Coldplay…

Og for den sak, berre han sjølvaste Chris også…

Ei heftig scene…

Med bruk av laser! Trudde den bruken døyde etter hyperstate (eller nokke slikt) i vikingskipet i år 2000 eg… Men neida, finfine saker! Laser var gøy:) Å så var det dissa lyseballane også da… aiaia!

Den obligatoriske: Alle tar opp telefonen sin…

Når konserten også jammen tid avslutta med fyrverkeri også så.. ja, det er vanskeleg å konkludere med at dette her nok var ein av dei største konsertopplevingane som eg har hatt i mitt liv. Den overgår faktisk nesten U2 også… Både plassering og sjølve showet var kanskje bedre her på Coldplay, men det er berre storleiken på U2-konserten som gjer det absolutt til den største. Men, men: Vi var alle nøgde då vi drog heim. Dog kanskje ikkje alle… Det aner meg at eit par irriterandes bergensere er littegrade irritert på den idiotiske sunnmøringen som aldri lot dei sleppe fram til gjerdet… Men, men. Eg har vel aldri sagt eg elskar bergensere heller?

Og vips, nummer 47 på lista er gjennomført!

Og slapp av, meir skriblerier vil kome her straks. Det har berre skjedd så alt for masse den siste tida. Kort oppsummert:

• 5000 km (evt 500 mil) i ein Hyundai H-100 utan radio og skikkeleg avkjølingsanlegg
• 7 bryllup (inkludert mitt eige)
• 3 utdrikningslag (inkludert mitt eige også ja..)
• 1 begravelse
• 2 stk utflyttingar av leilighet
• 1 stk innflytting og oppussing av leilighet i 4. etasje…

Fleire ting å glede seg til å få oppdateringer på ja:)

Ein god søndag til alle saman!

Lat meg avskrive på framandlandsk:

this is a thank you to our fans

Ja takk! Eg vil ha!

Madonna skal visst til Noreg. Tidenes popdronning skal for første gang i tidenes historie vitje Noreg. Kult? Nja… Ikkje det at Madonna akkurat kjem øverst på spelelista mi. (Faktisk, av over 12000 spela sanga sidan Noveber 2006 har eg berre spelt Madonna 8 gongar. Toppa med Frozen, heile 2 gonga!) Men likevel: Dama har laga frykteleg mange fengande låtar som, vel, alle har gåttt rundt å nynna på ein eller anna gang. Enkelte ganske masse meir enn andre også vil eg tru? 

Men: Kvifor dette pjattet Bjarne?

Jo. Dagens godbit til mine lesarar. Meld dykk inn i Live Nation!

Ehh.. jaja, kvifor det?

Jo, Live Nation er dei som er med på å arrangere store konsertar. Då blant anna Madonnakonserten i Oslo til sommeren. Og som medlem av Live Nation har du tilgang til førehandssal. Sjølv om eg ikkje akkurat er Madonna sin største fan, så tenkte eg at dette er ein slik konsert som ein kanskje burde få med seg i løpet av livet. Ikkje fordi det er Madonna, men berre for å oppleve eit ganske sikkert så heidundrande show og god stemning. Evt, så kunne eg jo sikkert fått solgt billettane viss eg sjølv ikkje ville. Det er nok sikkert mange som ville ha dei… Men, kr 1100,-? Høsj! Ja, 800,- er ikkje noko val… Må jo komme langt fram da… :)

Men… ehh.. funker dette med Live Nation?

Jajaja! Det er vel ein grunn til at eg fekk Coldplaybilletter dagen før salet starta:) 

Og viss du lurte: Eg klarte å la vere å kjøpe… 

Og ja, takk til storesøster som tipsa meg om Live Nation:)

NB! Ikkje sei dette til nokken andre da. Vil jo ikkje at heile Noreg skal få vite om denne godbiten, då blir jo førehandssal ikkje lenger så eksklusivt…

O salege lukke!!!

Å så var jo det ditta med å kome seg heime att da… Siste buss hadde akkurat gått, og gidder ein å vente ein time på ein nattbuss som koster dobbelt så masse og er ti ganger så full av folk? Nei. Så vi gikk – ein skal jo ikkje sove bort sommer haustnatta…