Blodig politikk

Det er ikkje så veldig ofte ordet politikk dukker opp på denne bloggen her, men av og til må det berre. Rett og slett fordi enkelte ting blir for vanskeleg å halde kjeft om. I dag, eller i går, kom ein slik ting opp. For du som ikkje har fått det med deg enda så vart Øyvind Heian frå Norgespatriotene “angrepet under skoledebatt.” Berre for å få det klart. Slike angrep synes eg er heilt idiotiske. Sjølv om eg kanskje ikkje støtter opp om det som Norgespatriotene står for, så har absolutt ingen rett til å angripe folk når dei i (relativt) rolege rammer ynskjer å yttrykke sine meiningar innanfor politikken. (Ja, relativt… debattar er ikkje akkurat alltid rolege…) Så det er ikkje det eg vil diskutere. Det er det som skjedde i etterkant eg vil ta opp.

For å få dykk med på tanken… Sei at du går på døra, faller i trappa, mistar ei bok på haudet eller nokke i den dur. Du får i alle fall eit kutt i panna. Kva er det du gjer da? Jo, det første du gjer er å tørke bort blod for å sjå kor stor skaden er. Når du så har tørka bort velger du om du skal sette på eit plaster eller om du bør gå til legen for å få ting sydd, stripsa, limt eller stifta saman. I mellomtida vil du heilt sikkert sørge for at blodet ikkje straumar ut av kuttet i panna di.

Lat meg då forklare dagens frustrasjonshending. Nemnde person får eit kutt i panna under diskusjonen. Han velger å halde fram med å få fram sine meiningar sjølv om blodet drypper. Ok, hans valg. Men, ein: Rart at ingen ville hjelpe, to: Kva med å tørke bort litt blod?. Men, men… debatten er over. Du tar eit par bilete av skada inne i lokalet.
960x
Du får på plaster. Her burde ein tørke bort blod… Men neida, vi går utanfor skulen og lar VG ta eit bilete av skada.
1251466439891_973
Blodet har dog tørka no, men vi gidder ikkje å tørke det bort.. ei heller å vaske det bort. Men, men… godt at vi skal heim da.

Heime så er det enkelt å vaske bort ting. Normalt sette på eit nytt plaser viss det gamle ikkje fungerar. Eller eventuellt gå til legen viss du har så vondt at du må legge deg ned. Men, nei, vi tar nok eit bilete av blodet vi.
parameter
No har det kome ut nytt blod som har pipla ut på ein ny og kreativ måte…

Men kva gjer vi så… Joda, vi ventar ei stund til inviterer NRK på intervju. Men gamalt blod lar vi vere å tørke bort.. eller vaske bort. Fordi no har det tørka på nytt.
Bilde 1

Ja, eg trur dykk skjønar litt kvar eg vil gå… Her er det mykje som stridar mot logisk handling. I alle fall normale personar som ikkje er i politikkens verden. Derimot, hadde ein vaska bort blodet så hadde ingen syntes synd på han. Her er det tydlegvis snakk om fleire timar får det skjedde til siste intervju med NRK. Då blir det rett og slett berre idiotisk. Det er amerikanske tendensar over bruk av verkemiddel som dette for å få fram sin bodskap. Ver så snill. Ikkje gjer slik. Det er absolutt heilt galt i politikken. Og ja, for du som støtter Norgespatriotene der ute. Dette er ikkje meint som kritikk til dykkar parti eller det dykk står for. Dette er kritikk til det valget som Øyvind Heian valgde å gjere. Om nokon i Norgespatriotene var med på arrangere det skal eg ikkje legge meg opp i. Hadde dette skjedd med eit anna norsk parti eller politisk person så hadde eg skreve det same også. Oppdatering: Akkurat no ser det ut til at han godast Erik også ville vere med, her dog sjølvpåførte skader då han skulle stikke hol i ein ballong…. Han valgte dog den meir naturlege tingen. Stikke til legevakta.

Konklusjon: Dette her er heilt idiotisk. Å vise fram blod på ein slik måte er det vi gjorde i barnehagen. Når du kutta deg sørga du for at du klarte å presse ut mest mogleg blod slik at det verkeleg såg ut som om du hadde skade deg. Men så spørs det.. er politikk noko meir enn ein barnehage? Den som skrik høgast får merksemda. Den som er kongen på haugen regjerar. Den som blør mest er den store helten?

Politikarar: Skjerp dykk!